us de Schwiiz...
... für d Schwiiz

Öisi Bier


Steibock

Das Märze - Landbier wo aui gärn hend.
 Was mer vo Chonde emmer weder ghöre:
"Donkli Bier hani eigentlech ned gärn, aber de Steibock esch ächt super. Es esch öberhoupt ned better ond sehr söffig".

De Profi seit:
Es schöns Märzebier, won i  as Landbier wörd bezeichne.
Schöni Amberfarb, im Atrunk chöme die Brot- und liechti Karamelnote zom Vorschiin.
Hopfig, nach Grapefruit schmökend ond met liecht agnähmer Bittere.
Im Abgang chöme die Kakaonote ond helli Schoggi zom träge.
Es söffigs, agnähms Bier zo nere Chäsplatte oder Bündner Salsiz.



Mormeli

Es Märze wie keis anders! Das muesch eifach mou tronke ha.

Öisi Chonde send Fan vo däm feine Bier. Veli hend dänkt, das esch es schöns Bier für die Dame. Bem degustiere wärde de aber einigi öberrascht. Öises "Mormeli" esch auso ou sehr beliebt a reine Männeröbe.
Frou liebt Steibock, Maa schwört uf Mormeli, be öis gehts kei Regle ond keis Gsetz. Am beschte esch probiere ond de Goume lo entscheide.

Öise Bier-Sommelier het das so beschrebe:
Schöne kompakte Schuum
hopfigi zitrali Note
sehr wörzig
Schoggi und Kakaonote
söffig, mündig und öberaupt ned better.

Denn Proscht!